ATƏT və ATƏT DTİHB referendumu müşahidə etməyəcək
03 mart 2009 15:30 (UTC +04:00)

ATƏT və ATƏT DTİHB referendumu müşahidə etməyəcək

Təşkilatın nümayəndəsi bildirib ki, qurum adətən prezident və parlament seçkilərini müşahidə edir

ATƏT və ATƏT-in Demokratik Təsisatlar və İnsan Hüquqları Bürosu martın 18-də Azərbaycanda keçiriləcək ümumxalq referendumunu müşahidə etməyəcək. Lent.az-ın məlumatına görə, bu haqda ATƏT-in Bakı ofisinin rəhbəri vəzifəsini icra edən Aleksis Şahtaxtinski məlumat verib.

O, bildirib ki, ATƏT adətən prezident və parlament seçkilərini müşahidə edir. Şahtaxtinskinin sözlərinə görə, Azərbaycan tərəfindən dəvət göndərilsə, 2013-cü ildə keçiriləcək prezident seçkisini müşahidə edə bilərlər: “Ancaq buna baxmayaraq, seçkilərin demokratik keçirilməsi Azərbaycanın öz marağında olmalıdır”.

Pərvin ABBASOV
# 1286

Oxşar yazılar