Yuxudan oyanandan sonra niyə başağrısı yaranır?

Alimlər insanların yuxudan oyandıqdan sonra yaranan baş ağrısının səbəbini müəyyən ediblər.

Lent.az xəbər verir ki, bir çox insan səhər yuxudan oyandıqdan dərhal sonra baş ağrısı problemi yaşayır.

Təbii ki, bu tez-tez baş verirsə, o zaman həkimə müraciət edilməlidir.

Yuxu pozğunluğu baş ağrılarının əsas səbəblərindən biridir. Bədənin bioloji saatının bərpası və düzgün işləməsi üçün yuxu rejiminə ciddi şəkildə nəzarət edilməlidir.

Səhər baş ağrılarının digər səbəbi isə lazımi vitamin və mineralları ehtiva edən düzgün qidalanmadır. Çox çeynəmə tələb edən və qandakı qlükoza səviyyəsini aşağı salan qidalardan qaçmağa çalışın.

Səhərlər baş ağrısı problemi uzun müddət davam edirsə, bu depressiya, narahatlıq və digər fiziki problemlərin xəbərçisi ola bilər. Bu vəziyyətdə dərhal həkimə müraciət edilməli və xəstəliyin səbəbləri öyrənilməlidir.

Baş ağrısı ilə mübarizə aparmaq üçün qan dövranını və ümumi sağlamlığı yaxşılaşdıran yoqa kimi alternativlərdən istifadə etmək lazımdır. Həmçinin alına soyuq dəsmal qoymaq, başınızda saç bağı varsa onu genişlətmək və otaqdakı işıqları söndürmək lazımdır. Alkoqol və digər güclü içkilərdən çox istifadə olunmamalıdır. Çünki onlar baş ağrısı və miqren yarada bilər.

Ümumiyyətlə, səhər baş ağrıları və uzun müddətli xəstəliklərlə bağlı problemlərin qarşısını almaq üçün həyat tərzinə və sağlamlığa ciddi şəkildə nəzarət edilməlidir.