Klivlend Klinikasının mütəxəssislərinin rəhbərlik etdiyi ABŞ, Almaniya, Çexiya və Səudiyyə Ərəbistanından olan tədqiqat qrupu məşhur dadlandırıcı qəbul etməyin təhlükəli nəticələrini açıqlanıb.
Lent.az xarici KİV-ə istinadən xəbər verir ki, araşdırmaya görə, dadlandırıcılar eritritol insult, infarkt və tromboz riskini 80 faiz artıra bilər.
Üç il ərzində müəlliflər yemək və içkilərdə hər gün yüksək dozada poliol dadlandırıcı istehlak edən 4000-dən çox iştirakçını izləyiblər. Statistikaya düzəliş etdikdən sonra məlum oldu ki, eritritola həddindən artıq həvəs uzunmüddətli perspektivdə ürək-damar xəstəliklərinin inkişaf şansını 80 faizə qədər artırır.
Növbəti iki təcrübə də bu nəticələri təsdiqləyib. Bənzər bir mexanizm, eritritol molekullarının bədəndə sürətli yığılması ilə izah olunur, bu da qan laxtalarının meydana gəlməsi ehtimalı ilə əlaqələnir. Bir dadlndırıcının bir neçə dəfə qəbulu belə bir neçə gün ərzində sürətli qan laxtalanma ehtimalını artırır. Alimlər deyirlər ki, pəhrizinizə dadlandırıcı daxil edərkən bu amillər nəzərə alınmalıdır.
Eritritol şirin ağ kristallar şəklində mövcud olan üzvi tetrahidrik spirtdir. İlk dəfə 1848-ci ildə şotland kimyaçısı Con Stenhaus tərəfindən kəşf edilib və 1990-cı illərdə bu maddə Yaponiyada "şəkər spirti" adı ilə satılmağa başlayıb. Qarışığın şirinliyi saxarozadan 60-80 faiz təşkil edir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
