Xərçəngin əsas səbəbləri

Vidnovskaya Regional Klinik Xəstəxanasının həkim-onkoloqu Gözəl Əzizova ağciyər xərçənginin inkişafının əsas səbəblərini sadalayıb.

Lent.az-ın xarici mediaya istinadən məlumatına görə, bunlara xüsusilə siqaret və havanın çirklənməsi daxildir.

“İlk növbədə, əlbəttə ki, siqaret, o cümlədən passiv siqaret çəkmək. Digər təhrikedici amillər kanserogenlərlə təmas, radon və asbest liflərinin inhalyasiyası, irsi meyllilik, radiasiyaya məruz qalma, xroniki respirator xəstəliklərin və endokrin patologiyaların olması, virus infeksiyaları və havanın çirklənməsi ola bilər”, - Əzizova bildirib.

Həkim qeyd edib ki, xəstəliyin qarşısının alınması kifayət qədər sadədir. Pis vərdişlərdən - xüsusilə siqaretdən - imtina etməli və sağlam həyat tərzinə riayət etməyə başlamalısınız. Balanslaşdırılmış qidalanma və gündəlik fiziki fəaliyyət, təmiz havada gəzinti vacibdir.

“Bronxial xəstəliklərin vaxtında müalicəsi vacibdir ki, xroniki formaya keçid olmasın. Həmçinin zərərli kimyəvi maddələr və ağır metallarla təması minimuma endirmək lazımdır. Təhlükəli istehsalatda işləyərkən qoruyucu vasitələrdən – respirator maskalardan istifadə etmək mütləqdir: respirator, maskalar”, - həkim əlavə edib.