Ürək və sümükləri gücləndirən tərəvəz

Tərəvəzlərin insan orqanizmi üçün faydaları hamıya məlumdur.

Lent.az xəbər verir ki, bəzi tərəvəzlərin tərkibində bədən üçün lazım olan miqdarda lif var. Onlardan biri də kələmdir.

Kələm qida maddələri ilə zəngin olmaqla yanaşı, xüsusilə, soyuqdəymə zamanı immunitet sistemini gücləndirməyə kömək edir.

O C vitamini ilə zəngindir. Əgər portağalların sizi bu vitaminlə təmin edə biləcək yeganə məhsul olduğunu düşünürsünüzsə, yanılırsınız. Kələm həm də C vitamini mənbəyidir. Ona görə də onu pəhrizinizə daxil etməkdən çəkinməyin. Bundan əlavə, kələm iltihabı azaltmağa kömək edən əhəmiyyətli miqdarda antioksidant ehtiva edir. Yadda saxlamaq lazımdır ki, orqanizm C vitaminini özü istehsal etmir və o, qidadan alınmalıdır.

Lif həzmi yaxşılaşdırmaq üçün vacib olan və kələmdə tapıla bilən maddələrdən biridir. İki stəkan xam, doğranmış kələmdə 5 qram lif var. Mütəxəssislər böyüklər üçün gündəlik 21-38 qram lif istehlak etməyi tövsiyə edir. Unutmayın ki, lif xolesterini aşağı salır, qanda şəkər səviyyəsini və həzm sistemini yaxşılaşdırır.

Həmçinin, kələm sümükləri bərkidir. Kələmin tərkibində təkcə lif deyil, həm də sümük sağlamlığının qorunmasında mühüm rol oynayan K vitamini var. Bir stəkan kələmdə 68 mikroqram bu vitamin var.

Bundan əlavə, iltihab əleyhinə effektiv olduğu üçün ürəyə müsbət təsir göstərir. Buna görə də ürək-damar xəstəlikləri riski yüksək olan insanların bu tərəvəzdən istifadə etməsi tövsiyə olunur.