Təhlükəli xəstəliklərin riskini artıran QİDALAR

Çəkiyə nəzarət və düzgün qidalanma təhlükəli xəstəliklərdən qoruya bilər. Alimlər üç növ məhsulun adını çəkiblər, onların istifadəsi təhlükəli xəstəliklərin, o cümlədən onkologiyanın inkişaf riskini xeyli artırır. Sağlamlığınızı və rifahınızı yaxşılaşdırmaq üçün mütəxəssislər onlardan birdəfəlik imtina etməyi məsləhət görürlər.

Lent.az-ın xarici KİV-ə istinadən xəbərinə görə, araşdırma aparan alimlər ilk növbədə qeyd ediblər ki, çəkiyə nəzarət bağırsaq xərçənginin inkişaf riskini azaldır, həmçinin digər ciddi xəstəliklərin qarşısını almağa kömək edir. Yediyiniz qida növü isə bağırsaq xərçəngi riskinizi artıra bilər. Düzgün qidalanma bu iki əsas risk faktorunu bir anda aradan qaldırmağa kömək edir.

Mütəxəssislər aşağıdakı qidalardan çəkinməyi tövsiyə edib:

Quzu, mal, keçi və donuz ətini ehtiva edən qırmızı ət - Damar sisteminin vəziyyətinə mənfi təsir göstərir və həzm sistemini çətinləşdirir. Həftədə 500 q-dan az qırmızı ət yemək tövsiyə olunur ki, bu da ölçüsündən asılı olaraq üç-dörd porsiyadır.

Vetçina, kolbasa və salam - İşlənmiş ətlərdə sağlamlığınıza zərər verə biləcək konservantlar var. Mütəxəssislər çox işlənmiş ətdən uzaq durmağı məsləhət görürlər.

Alkoqol - Bu içki istənilən dozada zərərlidir. Həddindən artıq spirt içmək bağırsaq xərçəngi riskinin daha yüksək olması ilə əlaqələndirilir və artıq çəki və ya piylənməyə kömək edə bilər. Eyni zamanda həddindən artıq spirt istehlakı qaraciyər, döş və yemək borusu xərçəngi də daxil olmaqla xərçəngin digər formaları ilə də əlaqələndirilir.