Qara çay içmək TƏHLÜKƏLİDİR

İnsanların sevərək içdiyi qara çay sağlamlıq üçün ziyanlı hesab olunur.

Lent.az xarici KİV-ə istinadən xəbər verir ki, müntəzəm çay içmək diş minasının keyfiyyətini aşağı salır.

Ümumiyyətlə, isti içkilərin tez-tez istifadəsi dişlər üçün zərərlidir. Çayın tərkibində kofein var ki, bu da çürüklərin inkişafına səbəb olan tünd lövhənin əmələ gəlməsinə şərait yaradır.

Mədənin turşuluğuna təsir edir...

Əgər sizdə qastrit və ya mədə xorası varsa, çay təhlükəli ola bilər. Xüsusilə səhərlər acqarına içməyiniz tövsiyə olunmur. Çay içərkən mədə şirəsinin turşuluğu dəyişir və mədənin divarları qıcıqlanmağa başlayır ki, bu da ürək yanması və ya bağırsaqların ümumi vəziyyətinin pisləşməsi kimi xoşagəlməz nəticələrə gətirib çıxarır.

Yuxusuzluğa səbəb olur...

Çay qəhvə deyil, amma bu o demək deyil ki, onun tərkibində kofein yoxdur. Adətən qəhvənin gecələr yuxu qaçırdığını eşitmisiniz. Amma gecələr həm də çay içsəniz, yuxu sisteminiz pozula bilər.

Fol turşusunu yuyur...

Problem hamiləlik dövründə xüsusilə aktualdır: fol turşusu dölün düzgün inkişafı üçün çox vacibdir. Çayın tərkibində çoxlu miqdarda antioksidanlar var, onlar kumulyativ təsir göstərir və zamanla fol turşusunu yumağa başlayır.

Təzyiqə təsir edir...

Yaşıl çayın həddindən artıq istehlakı ürəyə mənfi təsir göstərə bilər, nəticədə yəni qan təzyiqinizə də öz təsirini göstərir. İçki sizin üçün hansı göstəricinin normal olduğuna görə hərəkət edir: aşağı təzyiq yüksək, yüksək təzyiq isə aşağı olacaq.

Uşaqlarda hiperaktivlik yaradır...

Gülməli görünə bilər, amma uşaqlar üçün belə bir problem var. Hərəkətli olduqlarına görə tez çay içə və boğula bilərlər. Ümumiyyətlə, uşaqlara çay verməmək daha yaxşıdır: onlarda hiperaktivlik yarana bilər.