Peyvəndi olmayan  yeni ölümcül   virus XƏBƏRDARLIĞI  - Onun əlamətləri nədir?
01 iyun 2023 00:22 (UTC +04:00)

Peyvəndi olmayan yeni ölümcül virus XƏBƏRDARLIĞI  - Onun əlamətləri nədir?

Həkimlər insan metapnevmovirusu (HMPV) - ən pis hallarda bronxit, pnevmoniya və bəzən ölümə səbəb olan ölümcül bir virusdan danışıblar.

Lent.az xarici mediaya istinadən bildirir ki, Xəstəliklərə Nəzarət Mərkəzlərinin (CDC) məlumatına görə, ABŞ-da reanimasiya şöbələrində insan metapnevmovirusuna (HMPV) yoluxma halları aktiv şəkildə qeydə alınır. Yaz aylarında yoluxma nisbəti kəskin artıb.

Virus qrip və COVID-19 əlamətlərinə malikdir və şiddətli öskürək, burun axması, boğaz ağrısı və qızdırma yaradır. HMPV yoluxmuş şəxslə təmasda, məsələn, əl sıxmaq, asqırmaq və ya yoluxmuş əşyalara toxunmaqla ötürülür.

Ən pis hallarda xəstə bronxit və pnevmoniya səbəbindən nəfəs almaqda çətinlik çəkir. Bu xüsusilə yaşlılar arasında xarakterikdir.

Hazırda virusla mübarizə üçün heç bir müalicə və ya peyvənd yoxdur. Pittsburq Universitetinin pediatrı doktor Con Uilyamsın dediyinə görə, HMPV "heç vaxt eşitmədiyiniz" ən vacib virusdur.

Qrip və respirator sinsitial virus (RSV) ilə birlikdə HMPV insanların xəstəxanaya gətirən ən çox yayılmış virusdur. Bir neçə ölüm məlumdur. Mütəxəssislərin fikrincə, hazırda kifayət qədər testlər yoxdur və buna görə də hər il HMPV-dən neçə nəfərin öldüyü məlum deyil.

Məlumdur ki, bu yaxınlarda COVID-19-a qarşı peyvənd hazırlayan Amerika əczaçılıq şirkəti “Moderna”, HMPV və paraqripə qarşı mRNA peyvəndi üzərində araşdırmaları tamamlayıb.
 

1 2 3 4 5 İDMAN XƏBƏRLƏRİ
# 2265
avatar

Oxşar yazılar