Koronavirusun  nevroloji təsiri   nə qədər davam edə bilər?
01 iyun 2022 09:17 (UTC +04:00)

Koronavirusun nevroloji təsiri nə qədər davam edə bilər?

Koronavirusun dağıdıcı nevroloji təsiri hətta digər əlamətlər zəifləsə də, bir ildən çox davam edə bilər.

Lent.az-ın xarici mediaya istinadla xəbərinə görə, elm adamları uzun müddətdir heç xəstəxanaya yerləşdirilməyən COVID-19 xəstələri arasında nevroloji əlamətlərin ən uzun tədqiqatını aparıblar.
 
Başda dumanlanma, uyuşma, baş ağrısı, başgicəllənmə, bulanıq görmə, qulaqlarda sıs-küy yorğunluq kimi nevroloji əlamətlər bu xəstəlik zamanı daha çox rast gəlinir.

Şimal-Qərb Universitetinin alimlərinin rəhbərlik etdiyi yeni araşdırma, ötən ilin yazında yayılmış və 100 uzunmüddətli COVID-19 xəstəsini əhatə edən daha qısamüddətli tədqiqatın davamıdır. Bu araşdırmada xəstələrin 85 faizi kəskin infeksiyalya yoluxandan altı həftə sonra ən azı dörd davam edən nevroloji problem olduğunu bildirib.

Sonrakı araşdırma çərçivəsində 18 ay ərzində Neuro universitet klinikasının pasiyentləri olan 52 orijinal iştirakçı təqib edilib. Tədqiqat iştirakçılarının dörddə üçü qadınlar olub və xəstələrin orta yaşı 43 idi. Onların demək olar ki, 80 faizi peyvənd olunub və hamısında xəstəxanaya yerləşdirmə tələb olunmayan yüngül koronavirus əlamətləri aşkar edilib.

Alimlər onu da müəyyən ediblər ki, bəzi əlamətlər, o cümlədən ürək döyüntüsü və qan təzyiqindəki dəyişikliklər, həmçinin mədə-bağırsaq problemləri zamanla pisləşir, dad və qoxu itkisi isə yaxşılaşmaya meyllidir. Koronavirusa qarşı peyvənd əlamətləri aradan qaldırmasa da, xəstəliyin gedişatını pisləşdirməyib.

 


 

# 1485
avatar

Oxşar yazılar