"İt qripi" virusu insanlara yoluxa bilər - ARAŞDIRMA

Araşdırma nəticəsində məlum olub ki, “quş qripi”ndən yaranan "it qripi" getdikcə insanlara yoluxmaq qabiliyyətinə çevrilir.

Lent.az-ın xarici mediaya istinadən xəbərinə görə, 2006-cı ildə H3N2 “quş qripi” ilk dəfə itlərdə qeydə alınıb və o vaxtdan virus məməlilərə uyğunlaşaraq “quş qripi”nin bir formasına çevrilib. Əvvəllər bu virusun insandan insana keçə biləcəyi sübut olunmayıb.

Bununla belə, Çin Kənd Təsərrüfatı Universitetinin “quş qripi” üzrə mütəxəssisləri araşdırma aparıblar ki, virus insan hüceyrə reseptorlarını daha yaxşı tanımaq qabiliyyətinə yiyələnib və onun insan hüceyrələrində replikasiyasını artırıb.

Tədqiqatçılar həmçinin laboratoriyada altı iti H3N2 “it qripi”nin altı məlum ştammının hər biri ilə qəsdən yoluxdurdular. Nəticədə, bütün itlərdə yüksək hərarət, asqırma və öskürək kimi əlamətlər inkişaf edib.

Redinq Universitetinin virusologiya professoru Yan Cons, bu nəticələrin virusun insanlara "süründüyünü" təsdiq etdiyini söyləyib. O, hesab edir ki, hazırkı mutasiyalar səbəbindən “it qripi” virusu insanlara yoluxa bilər, lakin hazırda bununla bağlı heç bir dəlil və ya qeydə alınmış hal yoxdur.

Tədqiqatın müəllifləri xəbərdarlıq ediblər ki, insanların H3 qrip virusu ailəsinə qarşı immuniteti yoxdur və qrip ştamlarına qarşı peyvəndlər nəticəsində yaranan antitellər “it qripi”nə qarşı işləməyəcək. Bununla belə, Cons bunu mümkünsüz hesab edir və qeyd edir ki, koronavirus pandemiyası zamanı göründüyü kimi, infeksiyaya qarşı olmasa belə, xəstəliklərə qarşı müəyyən qorunma ola bilər.