Hər gün pizza yeyərək bir ayda 6 KİLO ARIQLADI

İngiltərədən olan şəxsi məşqçi gündəlik pizza qəbulundan imtina etmədən cəmi bir ay ərzində 6 kq arıqlaya bildiyini söyləyib.

Lent.az xəbər verir ki, bu barədə "New York Post" məlumat yayıb.

Yanvarın əvvəlində 18 yaşlı Jayden Li bir ay ərzində hər gün pizza yeməyi qarşısına məqsəd qoyub və bu, formada qalmaq üçün işlənmiş qidaların kəsilməsinin şərt olmadığını göstərmək istəyib. O, əmindir ki, əgər siz kalori çatışmazlığını qoruyub saxlasanız və müntəzəm olaraq idmanla məşğul olsanız, heç bir qidanı pəhrizinizdən xaric etməyə ehtiyac yoxdur.

"Hər gün yeni bir pizza ilə təcrübə etmək əyləncəli idi. Mən uzun müddətdir ki, qeyri-sağlam yemək vərdişləri ilə mübarizə aparıram və bir çox insanların müəyyən işlənmiş qidaları şeytanlaşdırdığını müşahidə etmişəm. Məqsəd ondan qurtulmaqdırsa, yeməkdə özünüzü məhdudlaşdırmağa ehtiyac yoxdur” fikirlərini bölüşüb.

Yanvarın 1-də 31 günlük yarışına başlamazdan əvvəl Jayden 73 kq ağırlığında idi. O, gündə 2500 kaloridən çox istifadə etməyi və 45 dəqiqəlik kardio ilə məşğul olmağı qarşısına məqsəd qoyub. Ayın sonuna onun çəkisi 67 kq-a düşüb.

"Özümü əla hiss edirdim, sağlam yatırdım, bir neçə istisna olmaqla, iştahım nəzarət altında və çox enerjim var idi. Tox hiss etmək və bədənimə lazım olan hər şeyi vermək üçün kifayət qədər miqdarda qidalı və proteinlə zəngin qidalar yeməyə çalışdım" deyib Li. Gündəlik pizza yeməsinə baxmayaraq, o, pəhrizini zülalla zəngin qidalarla, o cümlədən banan proteinli pancake, şokoladlı zülallı yulaf əzməsi, tərəvəz omleti və fıstıq yağı, banan, bal və simitlərlə tamamlayıb.

Bundan əlavə, gənc müntəzəm olaraq yüksək intensivlikli kardio, güc məşqləri edib və hər yeməkdən sonra ən azı 10 dəqiqəlik qısa gəzintilər etməyə çalışıb. Həm də hər gecə ən azı 7 saat yatmağa üstünlük verib.

Jaden Li artıq hər gün pizza yeməsə də, onun təcrübəsi sübut edib ki, sevdiyiniz yeməklərdən həzz alaraq arıqlamaq mümkündür.