Hamilə qadınlara XƏBƏRDARLIQ: Uşağınızın üzü...

Hollandiyadan edilən yeni bir araşdırmaya görə, hamiləlikdə çox aşağı səviyyədə spirt istehlakı belə körpənin üzündə dəyişikliklərə səbəb olur.

Lent.az xarici KİV-ə istinadən xəbər verir ki, alimlər ilk dəfə olaraq hamiləlik zamanı və ondan əvvəl az miqdarda spirt istehlakı ilə uşaqların sifətindəki dəyişikliklər arasında əlaqə tapıblar.

Mütəxəssislər üzün "sağlamlıq güzgüsü" rolunu oynaması ilə bağlı xəbərdarlıq edərək, spirtli içkilərin uşaqlarda ciddi sağlıq problemlərinin olduğunu göstərə biləcəyini vurğulayıblar. Hamiləlik dövründə həddindən artıq spirt istehlakı ilə üz dəyişikliyinə, eləcə də zehni və fiziki inkişaf problemlərinə səbəb olan fetal spirt spektri pozğunluğu (FASD) arasındakı əlaqə çoxdan məlumdur. Ancaq Hollandiyada aparılan yeni bir araşdırma, hamiləlikdən əvvəl çox az miqdarda spirt istehlakının belə körpələrin üzündə müxtəlif dəyişikliklərə səbəb ola biləcəyini ortaya qoyub.

Bununla belə, Ümumdünya Səhiyyə Təşkilatı (ÜST) bildirir ki, döl inkişaf etməmiş qaraciyəri səbəbindən kimyəvi maddələri lazımi şəkildə emal edə bilmədiyi üçün alkoqola nə qədər təhlükəsiz şəkildə dözə biləcəyi məlum deyil. Təşkilatın rəsmiləri riskləri minimuma endirmək üçün hamiləlik dövründə qadınlara, ümumiyyətlə, spirtli içki qəbul etməməyi tövsiyə edir.

Yeni araşdırmada 3000-dən çox 9 yaşlı və 2500-ə yaxın 13 yaşlı uşağın fotoşəkilləri istifadə olunub. Onların üzlərindəki 200 fərqli ləkəni müəyyən edən süni intellekt alqoritmi ilə qiymətləndirilib. Analardan hamiləlik zamanı və ondan dərhal əvvəl nə qədər spirtli içki qəbul etdikləri soruşulub.

Rotterdamdakı Erasmus Tibb Mərkəzinin professoru. Dr. Gennadi Roşçupkin bu barədə belə deyib:

"Bu araşdırma üçün biz süni intellektə əsaslanan alqoritm hazırladıq ki, bu da üzün yüksək keyfiyyətli 3D şəkillərini götürür və 200 unikal ölçmə və ya "xüsusiyyət" yaradır. Biz bunları analiz edərək prenatal spirtə məruz qalma ilə əlaqəni araşdırmaq və xüsusi üz quruluşunu göstərmək üçün analiz etdik. Eyni zamanda, ananın alkoqol istehlakı ilə əlaqəli xüsusiyyətlər üçün istilik xəritələri hazırladıq".

Digər tərəfdən, hamilə qalmadan üç ay əvvəl və ya övladının doğulmasından əvvəl hər hansı bir zamanda içki içməyən analar nəzarət qrupu olaraq araşdırmaya daxil edildi. Bu qrup daha sonra hamilə qalmadan əvvəl spirtli içki qəbul edən, lakin hamiləlik dövründə onu tərk edənlər və hamiləlik boyu spirtli içki qəbul edən qadınlarla müqayisə edildi.

Qrup, hamiləlikdən əvvəl üç ay ərzində həftədə 12 qramdan az spirt (330 ml stəkan pivə və ya 175 ml şəraba bərabərdir) içən qadınların da üzlərində azacıq dəyişikliyə malik körpələrin olduğunu müəyyən ediblər. Roshchupkin, hamiləlikdən əvvəl bu kiçik spirt qəbulu ilə üz dəyişiklikləri arasında əhəmiyyətli bir əlaqə olduğunu söyləyib:

"Biz doqquz yaşlı uşaqlarda prenatal spirtə məruz qalma ilə üz forması arasında statistik cəhətdən əhəmiyyətli bir əlaqə tapdıq. Analar nə qədər çox spirt içsələr, uşaqların sifətindəki dəyişikliklər bir o qədər çox olar".

Digər tərəfdən, araşdırma, ana bətnində spirtə məruz qalan uşaqların burnunun yuxarı qalxması, qısaldılmış burun, çənənin yuxarı qalxması və aşağı göz qapağı nahiyəsinin içəriyə doğru çevrilməsi ehtimalının daha çox olduğunu müəyyən etdi.