Çox yatmaq xərçəngə yoluxma riskini ARTIRIR

Yapon mütəxəssisləri müəyyən ediblər ki, 10 saatdan çox yatmaq ölümcül xəstəliklərin inkişafına təkan verə bilər.

Lent.az xarici KİV-ə istinadən xəbər verir ki, bir qrup yapon tədqiqatçısı 10 saatdan çox yatmağın qadınlarda xərçəng riskini, eləcə də hər iki cinsdə xərçəngdən ölüm riskini artıra biləcəyini müəyyən ediblər.

Yaponiyanın Xərçəngin Qarşısının Alınması Strategiyalarının İnkişafı və Qiymətləndirilməsi Tədqiqat Qrupunun mütəxəssisləri yuxu müddəti ilə xərçənglə bağlı ölümlər arasındakı əlaqəni araşdırdılar. Onlar aşkar ediblər ki, 7 saat yuxudan fərqli olaraq 10 saat və ya daha çox yuxu həm kişilərdə, həm də qadınlarda xərçəngdən ölüm hallarının artması ilə əlaqələndirilir.

Eyni zamanda, qeyd olunur ki, postmenopozal qadınlarda qısa - 5 saatlıq yuxu, uzun - 10 saatlıq yuxu (7 saatla müqayisədə) də xərçəngdən ölümcül nəticənin daha yüksək riski ilə əlaqələndirilir.

Tədqiqatçıların fikrincə, tapıntılar yuxu müddətinin xərçəngdə əhəmiyyətli bir dəyişən olduğunu və xərçəngin qarşısının alınmasına təsir göstərir.

Bununla belə, əvvəllər elm adamları da müəyyən ediblər ki, gecə 6 saatdan az yatan insanların hər hansı səbəbdən ölmək riski daha yüksəkdir. Başqa bir geniş miqyaslı araşdırma göstərib ki, yuxusu az olan insanlarda xərçəngə tutulma riski artır.