İngiltərədə 18 yaşdan aşağı şəxslərə kosmetik səbəblərdən botoks və dodaq dolğuları etdirmək qadağan edilib.
Lent.az xarici KİV-ə istinadən məlumat verir ki, ölkədə bu gündən etibarən qüvvəyə minəcək qanunun məqsədi gəncləri qorumaqdır. İngiltərə Səhiyyə Nazirliyi, qanuna riayət edilməməsinin cinayət təqibi və məhdudiyyətsiz cərimələrlə nəticələnə biləcəyini bildirib. Digər tərəfdən, tibbi ehtiyac olarsa, bu insanlara botoks və dodaq dolğuları da tətbiq oluna bilər. Qanun xaricdən gələn və ya 18 yaşdan yuxarı birinin icazəsinə ehtiyacı olanları da əhatə edir.
Yeni qanunvericilik İngiltərədə qüvvəyə minməmişdən əvvəl, 18 yaşından kiçik gənclər yaşlarına nəzarət etmədən botoks tərzi prosedurları və dodaq dolğusu etdirə bilərdilər. Hökumətin hesablamalarına görə, keçən il ölkədə 18 yaşadək olanlara 41 min botoks tərzi müalicə olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
