Mədə xərçənginə səbəb olan qidalar bunlardır - Xəbərdarlıq

Emal edilmiş ət məhsulları və duzun həddindən artıq istehlakı ilə mədə xərçənginin inkişaf riski artır.

Lent.az xəbər verir ki, bu barədə DocMed klinikasının qastroenteroloqu Yana Komissarova danışıb.

“Mədəyə həqiqətən zərər verən vərdişlər var. Məsələn, işlənmiş ətin (kolbasa, pastırma, vetçina, hər hansı qurudulmuş, fermentləşdirilmiş və hisə verilmiş ət) həddindən artıq istehlakı xərçəngin inkişaf riskini artırır. Fakt budur ki, bu məhsulların tərkibində mədə hüceyrələrində mutasiyaya səbəb olan kanserogenlər var. Buna görə də, onları pəhrizə yalnız bəzən az miqdarda daxil etmək olar”, - o, deyib.

Həkimin sözlərinə görə, gündə 5 q-dan çox duz istehlak etmək də mədə xərçənginin inkişaf riskini artırır, çünki o, orqanın selikli qişasını zədələyir, xlorid turşusu istehsalını stimullaşdırır və digər kanserogenlərin təsirini artırır.