Prezident və xanımı Şuşada - YENİLƏNİB
27 sentyabr 2022 16:40 (UTC +04:00)

Prezident və xanımı Şuşada - YENİLƏNİB

Fotolar əlavə olunub.

***

Sentyabrın 27-də Azərbaycan Prezidenti İlham Əliyev və birinci xanım Mehriban Əliyeva Şuşa şəhərində Yuxarı Gövhər Ağa məscidini ziyarət edib, burada Heydər Əliyev Fondu tərəfindən aparılan yenidənqurma və bərpa işləri ilə tanış olublar.

Lent.az xəbər verir ki, Prezidentin köməkçisi Anar Ələkbərov dövlətimizin başçısına və birinci xanıma görülən işlər barədə məlumat verdi.
Bildirildi ki, tarixi Yuxarı Gövhər Ağa məscidində bərpa işləri 2021-ci ilin noyabr ayından başlayıb.

Şuşa şəhəri işğal altında olduğu müddətdə ermənilər tərəfindən dağıdılmış Yuxarı Gövhər Ağa məscidində konservasiya və bərpa işləri ilkin memarlıq üslubuna uyğun olaraq Azərbaycan, İtaliya və Türkiyə şirkətlərinin konsorsiumu tərəfindən və “Paşa Holdinq”in maliyyə dəstəyi ilə həyata keçirilir. Bərpa prosesi Avstriyanın “Wehdorn Architekten” şirkətinin nəzarəti ilə aparılır.

Məscidin daxilindən götürülən məhlul, suvaq, təbii daş, kərpic, ağac və boya nümunələri təhlil və düzgün konservasiya üsullarını əldə etmək məqsədilə Türkiyədəki Fatih Sultan Mehmet Vəqfi Universitetinin nəzdindəki Ahmet Refik Ersen Restavrasiya və Konservasiya laboratoriyasına aparılır.

Bu günədək məsciddə möhkəmləndirmə işləri görülüb. Ermənistanın işğalı dövründə məscidə edilmiş müdaxilələr aradan qaldırılıb. Fasadlarda və binanın daxilində suvaq işləri başa çatdırılıb. Minarələrin boya işlərinə başlanılıb.

Hazırda Şuşa şəhərindən Bakıya gətirilmiş sal qaya parçalarından emalatxanada pəncərə haşiyələrinin daş kəsimi və fiqur hazırlanması işləri davam etdirilir.

Bərpa işlərinin 2023-cü ilin sonunadək yekunlaşdırılması nəzərdə tutulur.

***

saat 14:04

Sentyabrın 27-də Azərbaycan Respublikasının Prezidenti İlham Əliyev və birinci xanım Mehriban Əliyeva Şuşa şəhərində Yuxarı Gövhərağa məscidini ziyarət edib, burada aparılan yenidənqurma və bərpa işləri ilə tanış olublar.

Lent.az-ın məlumatına görə, bu barədə Prezidentin Mətbuat Xidməti məlumat yayıb.

# 2409
avatar

Oxşar yazılar

Prezidentin oğlu Heydər Əliyev ailə həyatı qurdu - FOTO

Prezidentin oğlu Heydər Əliyev ailə həyatı qurdu - FOTO

26 noyabr 2022 , 13:31
Prezidentdən Madər Musayevlə bağlı  SƏRƏNCAM

Prezidentdən Madər Musayevlə bağlı SƏRƏNCAM

25 noyabr 2022 , 15:25
İlham Əliyev özünə yeni köməkçi təyin etdi

İlham Əliyev özünə yeni köməkçi təyin etdi

24 noyabr 2022 , 17:50
İlham Əliyev Serbiyaya gedib

İlham Əliyev Serbiyaya gedib

23 noyabr 2022 , 13:28
Aslan Aslanov "AzərTAc"dakı vəzifəsindən çıxarıldı -  SƏRƏNCAM

Aslan Aslanov "AzərTAc"dakı vəzifəsindən çıxarıldı - SƏRƏNCAM

19 noyabr 2022 , 18:48
Prezident İlham Əliyev

İlham Əliyevin Rusiya Baş naziri ilə geniş tərkibdə görüşü başladı

18 noyabr 2022 , 10:32
Xalid Əhədov Prezidentin köməkçisi təyin edildi

Xalid Əhədov Prezidentin köməkçisi təyin edildi

17 noyabr 2022 , 16:36
Əhliman Əmiraslanov

Prezidentdən Əhliman Əmiraslanovla bağlı SƏRƏNCAM

16 noyabr 2022 , 17:25