Kartofu tez və təhlükəsiz şəkildə təmizləməyin yeni üsulu sosial şəbəkələrdə böyük marağa səbəb olub.
Lent.az bu barədə “TikTok” platformasına istinadla xəbər verir.
Kartofu saniyələrə soymağın sadə üsulu
“Tiktok”er Sidni Raz internetdə yayılan məşhur üsulları sınaqdan keçirməsi ilə tanınır. “TikTok” platformasında onun təcrübələrini 4,6 milyondan çox izləyici maraqla izləyir.
Bloqer son videolarından birində kartofun qeyri-adi üsulla soyulmasını gördükdən sonra bu metodu dərhal öz mətbəxində yoxlamağa qərar verib. Videoda bir qadın kartofu klassik üsulla deyil, çəngəldən istifadə edərək təmizləyir.
O, çəngəli kartofun yuxarı hissəsinə batırır və onu kəsmə lövhəsinə söykəyir. Bir əli ilə çəngəli tutaraq kartofu sabitləyir, digər əli ilə isə tərəvəzsoyandan istifadə edərək qabığını sürətli hərəkətlərlə soyur. Kartof çəngəlin köməyi ilə tədricən fırladılır və barmaqlarla toxunulmur.
Bloqer nəticədən təəccübləndi
Sidni Raz üsulun həqiqətən effektiv olub-olmadığını yoxlamaq qərarına gəlib. Onun sözlərinə görə, bu, nadir hallarda rast gəlinən və “işlədiyi elə əvvəldən bəlli olan” üsullardan biridir.
Eksperiment zamanı bloqer etiraf edib ki, proses videodakı qədər asan görünməsə də, klassik üsulla müqayisədə xeyli sürətli və daha təhlükəsiz olub. Sonda isə zarafatla “Əllərim də, barmaqlarım da tam təhlükəsizdir” deyərək təmizlənmiş kartofu nümayiş etdirib.
Sosial şəbəkə istifadəçiləri bu üsulu xüsusilə çoxlu kartof bişirənlər üçün ideal və praktik həll kimi qiymətləndiriblər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
