Banan faydalı və dadlı bir meyvədir. Lif, B6, mis, manqan, dəmir, kalium, C vitamini və biotinlə zəngin olan bu meyvə, tərkibindəki bir çox bioaktiv birləşmə ilə qan təzyiqini aşağı salmağa və dövranını sürətləndirməyə kömək edir. Eyni zamanda bu meyvədən hazırlanan çay daha yaxşı yuxuya getməyinizə kömək edəcək. Bəs, banan çayı necə hazırlanır?
Lent.az xarici KİV-ə istinadən banan çayının reseptini təqdim edir:
Lazım olan ərzaqlar:
2 stəkan su
1 dilimlənmiş bir banan
2 sm zəncəfil parçası (soyulmuş və dilimlərə kəsilmiş formada)
1 darçın çubuğu
2 ulduz anis
2-3 ədəd mixək
Hazırlanması:
Bütün ərzaqları balaca bir qazana yığıb qaynamağa qoyun. 10 dəqiqə qaynatdıqdan sonra süzüb isti-isti için.
Nuş olsun!
