Azərbaycan Dövlət Akademik Milli Dram Teatrının nəzdində yeni teatr studiyası yaradılıb. Teatrdan Lent. az-a verilən məlumata görə, studiyada respublikanın tanınmış sənət adamları, təcrübəli sənətkarların iştirakıyla gənclərin rejissor və aktyor sənəti, teatr nəzəriyyəsi, səhnə danışığı, ritmo-plastika, vokal-səs və digər bacarıqlarının inkişafı və formalaşdırılması üçün müxtəlif fənlərin tədrisi təşkil edilib.
Studiyada xaricdən gələcək görkəmli teatr xadimlərinin iştirakı ilə ustad dərsləri və seminarların keçirilməsi də nəzərdə tutulub.
Studiyanın 40 üzvü var. Onlar arasında ölkənin müxtəlif teatrlarında çalışan gənc aktyorlar, Azərbaycan Dövlət Mədəniyyət və İncəsənət Universitetinin tələbələri və məzunları, həmçinin səhnə sənətinə bağlı olan gənclər var. Studiyanın tədris müddəti iki ildir. Bu dövr ərzində gənclərə teatr sənətinin səhnə-oyun prinsiplərini əhatə edən məşğələlər keçiriləcək, tədris prosesinin sonunda isə studiya üzvləri ilə tamaşa hazırlanacaq.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
