Noyabrın 17-də saat 14:00-də Azərbaycan Dövlət Opera və Balet Teatrında uşaqlar bəstəkar Leonid Vayşteynin “Zoluşka” operasını izləyə biləcəklər. Teatrdan Lent.az-a verilən məlumata görə, iki pərdəli tamaşanın rejissoru Ali Usubovdur.
Həmçinin noyabrın 18-də saat 14:00-də teatrda xalq artisti, bəstəkar Oqtay Zülfüqarovun “Sehirli alma” baletinin tamaşası keçiriləcək. “Məlikməmməd” xalq nağılının motivləri əsasında qələmə alınan bu balet tamaşasının baletmeysteri albaniyalı xoreoqraf Pellumb Aqalliyaydır.