Azərbaycanın tanınmış aktyoru, şoumen və naşir Bəhram Bağırzadənin yeni əsəri işıq üzü görüb. Lent.az-ın məlumatına görə, “SSSR – plyusı i minusı” (“SSRİ – müsbət və mənfiləri”) adlanan kitab oktyabrın 25-dən “Əli və Nino” kitab mağazalarında satışa çıxarılacaq.
Əsərdə Xəyyam Mirzəzadə, Anar, Çingiz Abdullayev, Fərhad Bədəlbəyli, Oqtay Mirqasım, Azərpaşa Nemətov, Ramiz Fətəliyev və digərlərinin xatirələri toplanıb. Bu kitab Azərbaycanın tarixi və yaxın keçmişi ilə maraqlananlar üçün nəzərdə tutulub.
Müəllifin sözlərinə görə, “SSSR – plyusı i minusı”nın əsas mövzusu XX əsrin ən böyük hadisələrindən olan Sovet Sosialist Respublikaları İttifaqının yaradılması və dağılmasıdır: “Ola bilsin, bu kitab o dövrün vicdanlı, səmimi və dəqiq təsviri üçün ilk cəhddir. Gənclər üçün bu, uzaq tarix kimi görünə bilər. Lakin SSRİ-də doğulub boya-başa çatanlar üçün kitab keçmişə, köhnə, yaddan çıxan yerlərə, uşaqlıq və gənclik illərinin keçdiyi sevimli həyətlərə maraqlı səyahət olacaq”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
