Bakıda “Qum Heykəltəraşlığı və Qraffiti “ festivalı

Azərbaycanda “Qum Heykəltəraşlığı və Qraffiti üzrə açıq Festival” keçiriləcək. Lent.azın məlumatına görə, festivalın açılışı oktyabrın 17-də “Dostluq” istirahət mərkəzində keçiriləcək.

Azərbaycan Gənclər Fondunun maliyyə dəstəyi ilə ikinci dəfə keçirilən layihənin məqsədi Azərbaycanda bu sahə üzrə təhsil alan xarici tələbələrin və Azərbaycan incəsənətinin ,heykəltəraşlığının və yenicə başlanan qraffiti sənətinin inkişafına təkan vermək, gənc istedadlı rəssamların və heykəltəraşların tapılıb üzə çıxarılması və onların tanıtımına təkan verməkdir.

Festivalda 3 gün ərzində qumdan heykəllər hazırlanacaq. Eyni zamanda festivalın ikincin hissəsi kimi graffiti üzrə müsabiqəyə başlanılacaq. Heykəltəraşlar və qrafitistlər 3 gün müddətində müəyyən edilmiş ərazidə müəyyən vaxt çərçivəsində işləyəcəklər.