Dekabrın 16-da IDEA İctimai Birliyi və "YARAT" Müasir İncəsənət Məkanı "Tullantıdan incəsənətə" adlı müştərək layihəni təqdim edib. APA-nın məlumatına görə, plastik qablardan hazırlanmış şam ağacının ərsəyə gəlməsi üçün Bakıdan üç mindən çox plastik qab toplanıb. Dekorativ şam ağacını ingiltərəli mütəxəssislər Nikolas Bleyk və Qlendol Maykl Keysi qurub. Layihə könüllülərin iştirakı ilə həyata keçirilib.
Təşkilatçılar bildiriblər ki, hündürlüyü 7 metr, diametri 4,2 metr olan sənət nümunəsi Yeni il ərəfəsində meşə və parklarda əkilmiş şam ağaclarını kəsmədən, ətraf mühitə zərər vermədən alternativ yollardan istifadə etməklə süni şam ağacları əldə etməyin mümkünlüyünü göstərir.
Qeyd edək ki, Nikolas Bleyk və Qlendol Maykl Keysinin ABŞ, Şotlandiya, Niderland, Birləşmiş Ərəb Əmirlikləri, Özbəkistan və digər ölkələrdə keçirilən sərgilərdə əl işləri maraqla qarşılanıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
