“Mədəniyyət sahəsində uğursuzluqlar da var. İnstitusional səviyyədə problemləri gördükcə bu sahədə çoxlu qüsurların mövcud olduğunun şahidi oluruq. Kadrların təyinatı ilə bağlı subyektiv məqamlar da çoxdur. Bu sahədə geniş müzakirələrə ehtiyac var. Mədəniyyət sahəsində islahatların aparılmasına ehtiyac var. Problemləri aşkarladıqca həll edirik. Mədəniyyət sahəsi hər zaman diqqətdədir. Ciddi addımlarda da atılır”.
Lent.az-ın məlumatına görə bunu bu gün Milli Məclisin Mədəniyyət komitəsi ilə Mədəniyyət Nazirliyi və Əqli Mülkiyyət Agentliyinin təşkil etdiyi birgə ictimai dinləmələr zamanı mədəniyyət nazirinin birinci müavini Adil Kərimli deyib.
“Təyinatımdan iki ay keçib. Bu müddət ərzində tam şəkildə mədəniyyət sferasında baş verən prosesləri, infrastruktur, kadr potensialı ilə bağlı təhlil mərhələsindən keçməkdəyik”- deyə o qeyd edib.
Yayılan məlumatlara görə, bu gün mədəniyyət nazirinin birinci müavini Adil Kərimlinin əmri ilə nazirliyin teatr sektorunun müdiri Könül Cəfərova, İncəsənət və qeyri-maddi mədəni irs şöbəsinin müdiri Fərəh Acalova vəzifəsindən azad edilib.
Nazir müşaviri Fuad Məmmədov şöbə müdiri təyin edilib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
