"İlham Rəhimli məni qalmaqala salıb" - Tanınmış aktrisa
09 dekabr 2022 13:33 (UTC +04:00)

"İlham Rəhimli məni qalmaqala salıb" - Tanınmış aktrisa

Azərbaycanın tanınmış aktyorları – Xalq artistləri Valeh Kərimov, Hacı İsmayılov, Əli Nur, Ramiz Məlik və  Səidə Quliyevanın işdən çıxarılması barədə məlumat yayılıb.

Bu məlumata cavab olaraq Mədəniyyət Nazirliyi anlaşılmaz bir açıqlama verib.

Lent.az-ın məlumatına görə, açıqlamada deyilir ki, mövcud qanunvericilikdə 65 yaşına çatmış şəxslərin təqaüdə çıxması nəzərdə tutulur:

“Elmi və fəxri adları olan şəxslərlə müqavilələr 75 yaşına qədər uzadıla bilər. Qanunvericilikdə göstərilir ki, bir müəssisədə yaşı 65-i ötən əməkdaşların sayı orada çalışan əməkdaşların sayının 2 faizini təşkil etməlidir. Azərbaycan Dövlət Mədəniyyət və İncəsənət Universitetini hər il onlarla tələbə aktyor, rejissor, teatrşünas bitirir. Ölkədə isə cəmi 25 dövlət teatrı fəaliyyət göstərir. Teatrların ştatları isə məhdud saydadır və stabildir. Teatrlarda kadr dəyişikliyi labüddür”.

Bir sözlə, Mədəniyyət Nazirliyinin aydınlıq gətirdiyi məsələ aydın olmadan qalıb. Aktyorların işdən azad olunub-olunmamasına izah verilməyib.

Mövzu ilə bağlı Lent.az-a danışan aktrisa Səidə Quliyeva bildirib ki, yayılan xəbər onu çox əsəbləşdirib:

“Bilmirəm belə xəbərləri kim yayır. Teatrşünas İlham Rəhimov pensiya yaşlı aktyorlar barədə danışarkən mənim də adımı çəkib, məni qalmaqala salıb. Birincisi bu teatrda məndən də yaşlı aktrisalar var, mən niyə çıxarılmalıyam? İkincisi Akademik Milli Dram Teatrından heç kim işdən çıxarılmayıb. Bu xəbərləri kim yayır? Jurnalistlər araşdırıb sonra desinlər. Adı çəkilən aktyorların hamısı öz işinin başındadır. Teatrın direktoru Azərpaşa Nemətov reaksiya verdi bildirdi ki, aktyor yalnız öz istəyi ilə işdən ayrıla bilər. Mən cari tamaşalarda rol alıram, televiziyada, radioda çalışıram. Bu xəbər yalandır. Başqa teatrları bilmirəm, bizim teatrdan texniki işçi də çıxarılmayıb, nəinki aktyorlar”.

Akademik Milli Dram Teatrın mətbuat xidmətinin rəhbəri Cavid  Zeynallı bildirib ki, Xalq artistləri Ramiz Məlikin, Səidə Quliyevanın, Əli Nurun və Hacı İsmayılovun işdən çıxarılması haqqında yayılan xəbərlər doğru deyil. 
"Yalandır və yenə yalandır! 

Dünən bununla bağlı müxtəlif saytlara açıqlama verilib. Aktyorlar özləri də məsələyə aydınlıq gətiriblər ki, biz işimizi davam etdiririk. 

Bu sənətkarlar Azərbaycan teatrı üçün dəyərdirlər. Akademik Milli Dram Teatrında işəmuzd əməkdaşlıq yoxdur. Hər bir aktyor ştat cədvəli üzrə maaş alır. Çox təəssüf ki, sosial şəbəkə istifadəçiləri və saytlar bu yalan məlumatı hələ də tirajlayırlar, teatrın əleyhinə istifadə edirlər",- deyə o qeyd edib.

 

# 2457
avatar

İlhamə HƏKİMOĞLU

Oxşar yazılar

Özünü Zeynəb Xanlarovaya oxşatdı, ölənə qədər "heç kimim yoxdur" dedi – Unudulan məşhurlar

Özünü Zeynəb Xanlarovaya oxşatdı, ölənə qədər "heç kimim yoxdur" dedi – Unudulan məşhurlar

4 fevral 2023 , 20:15
"Polis akademiyası" filminin komissarı ÖLDÜ

"Polis akademiyası" filminin komissarı ÖLDÜ

4 fevral 2023 , 18:33
Vulf Dornun Bakıda kitab təqdimatı  keçirildi

Vulf Dornun Bakıda kitab təqdimatı keçirildi

4 fevral 2023 , 16:31
Lənkəran Dövlət Dram Teatrının direktoru işdən çıxarıldı

Lənkəran Dövlət Dram Teatrının direktoru işdən çıxarıldı

4 fevral 2023 , 10:13
"Çelsi" derbidə xal itirdi

"Çelsi" derbidə xal itirdi

4 fevral 2023 , 03:41
Mətbuat katibi vəzifəli şəxsə qadağa qoya bilər? – Ekspertdən CAVAB

Mətbuat katibi vəzifəli şəxsə qadağa qoya bilər? – Ekspertdən CAVAB

3 fevral 2023 , 19:04
Mədəniyyət Nazirliyindən susmaq əmri? -  Replika

Mədəniyyət Nazirliyindən susmaq əmri? - Replika

3 fevral 2023 , 18:44
“6 milyon ayrılır, amma o pul gəlib  kinostudiyaya çıxmır”  – Tanınmışlardan ETİRAZ

“6 milyon ayrılır, amma o pul gəlib kinostudiyaya çıxmır” – Tanınmışlardan ETİRAZ

3 fevral 2023 , 18:02