Yusif Vəzir Çəmənzəminlinin sənədləri arxivə verildi
10 fevral 2011 13:42 (UTC +04:00)

Yusif Vəzir Çəmənzəminlinin sənədləri arxivə verildi

Arxivin direktoru Maarif Teymurun Lent.az-a verdiyi məlumata görə, yazıçının mərhum oğulları Orxan və Fikrət tərəfindən toplanıb indiyədək qorunan sənədləri nəvəsi Yusif Vəzirov verib. Sənədlər 5 albomdan ibarətdir. Bura 1000-dən çox qəzet kəsiyi, 15-ə qədər orijinal foto şəkil, rəssam Həsən Haqverdiyevin çəkdiyi portret və digər sənədlər daxildir: “Qəzetlər arasında Yusif Vəzir Çəmənzəminlinin öz əsərləri haqqında elanlar, məqalələr, ayrı-ayrı yazıçı, tənqidçilərin yazdıqları fikirlər, eləcə də “Əli və Nino”ya aid yazılar var. Bundan başqa yazıçının qardaşı Mirhəsən Vəzirova yazdığı məktubların qəzetlərdə çap olunmuş hissələri də xüsusi diqqət cəlb edir. Sənədlər hamısı olduqca maraqlıdır. Babasının bu sənədlərini qoruyub bizə təqdim etdiyinə görə, nəvəsi Yusif Vəzirova öz minnətdarlığımızı bildiririk”.

Maarif Teymur bildirib ki, Yusif Vəzir Çəmənzəminlinin bu sənədləri “Ədəbiyyat xadimləri toplusu” fondunda saxlanacaq.

Xəyalə Muradlı
1 2 3 4 5 İDMAN XƏBƏRLƏRİ
# 1378

Oxşar yazılar