İspaniya çempionatında “Real Madrid” və “Sevilya” arasında keçirilən qarşılaşma qalmaqallı epizodla yadda qalıb.
Lent.az xarici KİV-ə istinadən xəbər verir ki, Madrid təmsilçisinin türkiyəli futbolçusu Arda Güler rəqibinə qarşı kobud hərəkətinə baxmayaraq, meydandan qovulmayıb. Hadisə matçın 22-ci dəqiqəsində baş verib. “Sevilya”nın futbolçusu Peke Arda Gülerin formasından tutaraq ona mane olmağa çalışıb. Bundan əsəbiləşən türkiyəli yarımmüdafiəçi rəqibinin üzünə dirsəklə zərbə endirib.
Epizod “Sevilya” futbolçularının ciddi etirazına səbəb olub. VAR vəziyyəti yoxlasa da, baş hakim epizodu monitordan izləməyə çağırılmayıb və Arda Güler qırmızı vərəqə almayıb.
Maraqlıdır ki, qalmaqallı epizodun iştirakçısı daha sonra hesabı açan futbolçu olub. “Real Madrid” qarşılaşmadan 4:1 hesablı qələbə ilə ayrılıb. Arda Gülerin meydanda qalması İspaniya futbolunda hakim qərarları ilə bağlı yeni müzakirələrə səbəb olub.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
