Heydər Əliyev Sarayında anım mərasimi keçirilib - FOTO

Sarayın mətbuat katibi Anar Fərəczadənin Lent.az-a verdiyi məlumata görə, tədbiri giriş sözü ilə Sarayın direktoru, əməkdar mədəniyyət İşçisi Fərhad Babayev açıb.

O deyib ki, Heydər Əliyev müstəqil Azərbaycan dövlətinin qurucusu kimi xalqımızın yaddaşına əbədi həkk olunub. Onun əziz xatirəsi bütün xalqımız kimi, Heydər Əliyev Sarayının kollektivinin də qəlbində daim yaşayır və həmişə böyük sayğı ilə yad olunur. Dünya miqyasında müstəqil Azərbaycandan danışanda həmişə onun qurucusu Heydər Əliyevin adı da çəkilir, uca tutulur. Heydər Əliyevin xatirəsi Azərbaycan xalqının qəlbində əbədi yaşayacaq. Heydər Əliyev Azərbaycan xalqının tarixində böyük rol oynayıb. Onun Azərbaycanda siyasi hakimiyyətə qayıdışı ölkəmizi fəlakətdən xilas edib və bununla da Azərbaycanın dövlət müstəqilliyinin qorunub saxlanılması həyata keçirilib.

Sarayın direktoru Fərhad Babayev Heydər Əliyevin milli mənəviyyatımızın, mədəniyyətimizin qorunması və inkişafı üçün gördüyü işləri yüksək qiymətləndirərək, tədbir iştirakçılarına da, həmişə bu dahi insandan nümunə götürməyi, onun ölməz ideyalarını, arzu və əməllərini yaşatmağı tövsiyə edib.

Sonda anım tədbirində çıxış edənlər Heydər Əliyevlə bağlı xatirələrini bölüşüblər.

Lalə Yusifqızı