Bakıda ilk dəfə Beynəlxalq İdman Filmləri Festivalı keçiriləcək
01 oktyabr 2012 19:59 (UTC +04:00)

Bakıda ilk dəfə Beynəlxalq İdman Filmləri Festivalı keçiriləcək

Oktyabrın 9-dan 11-dək Mədəniyyət və Turizm, Gənclər və İdman Nazirliklərinin təşkilatçılığı ilə I Bakı Beynəlxalq İdman Filmləri festivalı keçiriləcək. Nazirliyin mətbuat xidmətindən Lent.az-a verilən məlumata görə, 20-dək ölkənin qatılacağı festivalda 50-dən çox bədii və sənədli filmin nümayişi gözlənilir.

Münsiflər heyətində dünya kinematoqrafiya və idman sahəsində böyük nüfuza malik simalar təmsil olunacaq. Filmlərin nümayişi Nizami Kino Mərkəzinin zallarında keçiriləcək.

Festival iştirakçıları ən yüksək mükafat - "Qran-Pri" ilə yanaşı "İdman və cəmiyyət", "İdman və şəxsiyyət" müsabiqə nominasiyalarında iştirak edəcəklər. Bundan əlavə qaliblərə münsiflər heyəti tərəfindən "Xüsusi mükafat" da veriləcək.

Jalə
# 643

Oxşar yazılar