Soyunub 418 kilometr məsafəni velosiped sürdülər

Böyük Britaniyada iki dost Qloster şəhərindən Lends -Endə qədər 418 kilometr məsafəni velosipedlə qət etmək qərarına gəliblər.

Lent.az bildirir ki, bu barədə “Daily Star” məlumat yayıb.

36 yaşlı Nil Koks və onun 25 yaşlı dostu Co Antik altı günlük səyahətə çılpaq çıxıblar. Kişi və qadın deyiblər ki, səfərlərinin məqsədi İngiltərənin cənub-qərbinin təbiəti ilə harmoniya hiss etmək istəyidir.

Cütlük bəzi gecələri düşərgədə, bəzilərini isə otellərdə keçirib. Dostların dediyinə görə, bir neçə şəhərdə lüt halda mağaza və barlara baş çəkməyə cəsarət ediblər. Koks, əsasən müsbət reaksiyalar gördüklərini söyləyib. Onun sözlərinə görə, Qlastonberidə onu və Antiki o qədər isti qarşılayıblar ki, hətta onları heyrətləndirib: "Bristolda insanlar arasında ümumi bir narahatlıq var idi, amma həqiqətən istədiyimiz budur, qarşılaşmaq üçün ümid etdiyimiz şey budur".

Koks və Atik bir anda pis hava şəraitinə görə geyinmək məcburiyyətində qaldıqlarını etiraf ediblər. Onların fikrincə, bir çox yoldan keçənlər xarici görünüşlərindən kifayət qədər müsbət emosiyalar alıblar. "İki çılpaq insanı bir növ tandemdə görmək daha gülməlidir", - Koks deyib.

Sosial şəbəkələrdə naturist dostları mənfi şərhlər gözləyirdi. Ancaq kişinin vurğuladığı kimi, bu şərhlər onu narahat etməyib. O, çılpaqlığı pis, təhlükəli və ya sırf seksual bir şey kimi qəbul etmir. Koks deyib ki, naturizm ona bədənini sevməyə və özünə inamlı olmağa kömək edir.