Sizi narahat edən şeyləri yazın – “Dərd gündəliyi” nəyə lazımdır?

Narahatlıq, şübhələr və stress təəssüf ki, çoxdan həyatımızın ayrılmaz hissəsinə çevrilib.

Hamımız maliyyə, iş, ailə problemləri və ya başqa şeylərlə bağlı narahatlıq yaşayırıq. Narahatlığın səbəbi o qədər də vacib deyil - orqanizm həmişə eyni şəkildə reaksiya verir, bunun nəticəsində insan psixoloji tükənmə hiss etməyə başlayır.

Lent.az xəbər verir ki, psixoloqlar bununla mübarizə aparmaq üçün “Narahatlıq gündəliyinə” başlamağı tövsiyə edirlər. Yəni hər kəs onu narahat edən şeyləri bir dəftərə yazmalıdır.

Bu necə işləyir?

Əgər siz, belə desək, narahatlığınızı “düzəltsəniz”, daha aydın düşünməyə başlayacaqsınız və mövcud vəziyyətə sanki kənardan baxa biləcəksiniz.
Sizi narahat edən hər şey kağız üzərində olduqdan sonra, siz eyni mənfi fikirləri başınızda təkrar-təkrar təkrarlamağı dayandıracaqsınız.

Alimlər hətta bir sıra tədqiqatlar aparıblar. Onların nəticələri gündəlik tutmağın stresslə mübarizədə effektiv üsul olduğunu təsdiqləyir. Bu fəaliyyət həm də psixoloji rifahı yaxşılaşdırır ,immunitet sistemini gücləndirməyə kömək edir.

Narahatlıqlarınızı müntəzəm olaraq gündəliyə yazmağa başladığınız zaman, sizi ən çox hansı fikirlərin narahat etdiyini və mənfi düşüncə tərzinin necə formalaşdığını izləyə biləcəksiniz.