Qarşınızdakı insanın hisslərini SƏSİNDƏN ÖYRƏNİN

Alimlər belə qənaətə gəliblər ki, qadının səsinə diqqət yetirilsə, onun hisslərini başa düşmək çətin olmayacaq. Bu məqsədlə müəyyən tədqiqatlar aparılıb, nəticədə aşiq bir insanın nitqinin bütün xüsusiyyətlərini müəyyən etmək mümkün olub.

Lent.az xarici KİV-ə istinadən xəbər verir ki, sual Stirlinq Universitetinin əməkdaşları tərəfindən araşdırılıb.

Məlum olub ki, hissləri ilə alışıb-yanan kişi onu maraqlandıran qadınla danışanda şüursuz şəkildə səsinin tembrini dəyişir. Kişi cazibədar qadınla alçaq səslə danışır, tədricən sözləri oxumağa başlayır. Kişilər uşaqlarla danışarkən oxşar texnika tətbiq edirlər. Qadınlar bu üslubu bəyənirlər - kişi daha cəsarətli, güclü və məqsədyönlü görünməyə başlayır.

Bu danışıq tərzi sayəsində qadın kişi yanında özünü daha inamlı və qorunan hiss edir. Ancaq bir kişi bunu aşarsa, o zaman qadın səsinin notlarında aqressivliyə və hətta əxlaqsızlığa meyldən şübhələnə bilər.

Alimlər hesab edirlər ki, bir xanımı kişi keyfiyyətlərinə inandırmaq, ona və uşaqlara qayğı göstərə biləcəyini sübut etmək bacarığı uğursuzluğa düçar olur. Kişi bütün bunlara səsinin tembrini dəyişdirməklə nail ola bilər.