Pomidorları pivə ilə sulayın: Nəticəsinə inanmayacaqsınız

Bir çox bağbanlar daim məhsuldarlığını artırmaq və bitkilərini qorumaq üçün yeni yollar axtarır.

Lent.az xarici mətbuata istinadən xəbər verir ki, bu yollardan biri də pomidoru pivə ilə sulamaqdır.

Pivənin tərkibində maya, B vitaminləri, amin turşuları və müxtəlif mikroelementlər var ki, bunlar nəzəri cəhətdən torpağa və bitkilərə faydalı təsir göstərə bilər. Pivənin tərkibindəki maya faydalı mikroorqanizmlərin böyüməsini təşviq edərək torpağın strukturunu yaxşılaşdıra bilər. Bu mikroorqanizmlər üzvi maddələrin parçalanmasına kömək edir, onları bitkilər üçün mövcud olan qida maddələrinə çevirir.

Bəzi bağbanlar iddia edirlər ki, pivə kök böyüməsini və güclənməsini stimullaşdıra bilər. Amma mümkün müsbət təsirlərə baxmayaraq, pomidorları pivə ilə suvarmaq mənfi nəticələrə səbəb ola bilər.

Pivədə böyük miqdarda bitkilər üçün zəhərli ola bilən spirt var. Hətta kiçik dozalarda spirt bitkilərin su balansını poza bilər, bu da onların solmasına və böyüməsini yavaşlatmağa səbəb olur.

Bundan əlavə, pivədə olan şəkər həşəratları cəlb edə, kif və küfün inkişafına səbəb ola bilər.

Buna görə də, pivədən istifadə etmək qərarına gəlsəniz, onun miqdarına və istifadə tezliyinə ciddi nəzarət etmək vacibdir.

Yalnız təzə pivədən istifadə edin, çünki köhnə pivədə zərərli maddələr ola bilər. Bitkiləri iki həftədə bir dəfədən çox olmayaraq pivə ilə sulayın, vəziyyətini diqqətlə izləyin.

Hər hansı bir pisləşmə görsəniz, dərhal pivədən istifadəni dayandırın və torpağı təmiz su ilə yuyun.