İçməli su ilə bağlı məşhur mif təkzib edildi

İnsanların hər gün suya ehtiyacı olur. Ancaq onun miqdarı ilə bağlı tövsiyələrə kor-koranə əməl etməməliyik.

Lent.az xarici mediaya istinadla xəbər verir ki, alimlər gündə iki litr və ya səkkiz stəkan su istehlakı ilə bağlı cəmiyyətdə geniş yayılmış mifi təkzib ediblər. Mütəxəssislər sübut ediblər ki, insan orqanizmində su mübadiləsi daha genişdir.

Bir çox insanın gündə yalnız 1,5-1,8 litrə ehtiyacı var. Alimlərin sözlərinə görə, əvvəlki nəzəriyyədə qidanın tərkibində olan su nəzərə alınmırdı. Məsələn, çox miqdarda “fast food” yemək əlavə maye tələb edə bilər. Çünki yemək kifayət qədər təmin etmir. Ət və tərəvəz kimi daha sağlam qidalar istehlak edilərkən, su ehtiyacının təxminən 50%-i bu qidalarla qarşılana bilər və əlavə qəbula ehtiyac qalmır.

Bundan əlavə, tədqiqat hər bir insan üçün universal su miqdarı olmadığını göstərən bir təcrübə aparıb. Mütəxəssislər 23 ölkədən 8 gündən 96 yaşa qədər olan 5604 nəfərin su istehlakını ölçüblər. Təcrübədə insanlar hidrogen molekullarının sabit deyterium izotopu ilə əvəz olunduğu su içiblər. Nəticələr göstərib ki, su istehlakı yaş, cins, həyat tərzi və fiziki fəaliyyət səviyyəsi kimi müxtəlif amillərdən asılıdır.

Nəticə etibarilə, idmançılar, süd verən analar və isti iqlimdə yaşayanlar artan enerji istehlakı səbəbindən daha çox suya ehtiyac duya bilərlər. Alimlər yaş fərqlərinin nəzərə alınmasının vacibliyini də vurğulayırlar. Çünki, məsələn, 20-35 yaş arası kişilərə gündə 4,2 litr içmək tövsiyə olunur, yaş artdıqca ehtiyac azalır.