“Fast food” restoranında süfrə təmizləməkdən varlanmağa qədər gedən milyonçu Mett Higgins, həyatınızı dəyişməyə və uğur qazanmağınıza kömək edəcək üç sözdən ibarət bir sual açıqlayıb.
Lent.az xəbər verir ki, bu sual beyninizə böyümək və inkişaf etmək üçün imkanlar axtarmağa kömək edə bilər.
"Həyat harada başladığımız və hətta harada bitirdiyimizlə deyil, getdiyimiz məsafə ilə müəyyən edilir. Təsəvvür etdiyinizdən daha çox məsafə qət etməyin yolu daim özünüzə sadə bir sual verməkdir: "Niyə mən yox?" .
İş adamı bu sualı insanların təqribən 70%-nin həyatı boyu yaşadığı saxtakarlıq sindromuna qarşı antidot kimi tövsiyə edib.
O, əmindir ki, “Niyə mən yox?” sualı beyninizdə düşünmədiyiniz imkanları axtarmağa kömək edə bilər.
Onun vəziyyətində bu təfəkkür ona Nyu York tarixinin ən gənc (26 yaşlı) merinin mətbuat katibi olmağa və ildə 35.000 ilə 100.000 dollar arasında pul qazanmağa kömək edib. 2012-ci ildə o, milyonçu olmasına kömək edən “RSE Ventures” şirkətinin həmtəsisçisi olub.
"Siz istər-istəməz imkanlarınızı şübhə altına alan vəziyyətlərlə qarşılaşacaqsınız, lakin iddialı bir yanaşma ilə öz komfort zonanızdan çıxmaq irəliləməyə davam etməyə kömək edə bilər. Heç vaxt kimsənin sizi keçmişinizin gələcəyinizi məhdudlaşdırdığına inandırmasına imkan verməyin. O yalnız təməl qoyur" – deyə Higgins bildirib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
