Yaponiyanın Kavasaki şəhərindəki univermağın zirzəmisində dünyanın ən kiçik eskalatoru yerləşir.
Lent.az-ın zarici mediaya istinadən məlumatına görə, bu qeyri-adi cihaz “Petitcalator” və ya “Puchicalator” kimi tanınır.
Eskalatorun cəmi 5 pilləsi var və uzunluğu bir metrə belə çatmır - 83,4 santimetrdir.
İxtira ənənəvi addımlardan istifadə edənlərə qarşı heç bir real üstünlük vermədiyi üçün daha çox turist cəlb edir.
Necə yaradılıb?
Bu eskalatorun ortaya çıxmasının səbəbi sadə səhv hesablama idi.
Məsələ burasındadır ki, univermaq 1989-cu ildə qapılarını ziyarətçilərin üzünə açanda dizaynerlər onun yeraltı səviyyəsini qonşu ticarət mərkəzinin yeraltı səviyyəsi ilə əlaqələndirmək istəyirdilər.
Lakin onlar mükəmməl uyğunlaşdırılmadığından planı adi pilləkən və kiçik eskalatorla həyata keçirmək qərara alındı.
Dizaynerlərin nəzərə almadıqları yeganə şey eskalatorun mühərrikinin yerində nəhəng beton tirin olması idi.
İdeyadan imtina etmək əvəzinə, bu hekayənin qəhrəmanına çevrilən eskalatorun daha kiçik bir versiyası hazırlanıb.
Cəmi bir neçə il əvvəl eskalatorun istiqaməti yuxarıya doğru çevrilib və bu addım onu bir az daha faydalı edib.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
