Dünya milyarderi sərvətini bağışlayacağı yeri AÇIQLADI
17 noyabr 2022 11:03 (UTC +04:00)

Dünya milyarderi sərvətini bağışlayacağı yeri AÇIQLADI

Dünyanın ən varlı adamlarında biri “Amazon”un qurucusu Ceff Bezos sərvətini bağışlamaq qərarına gəlib.  

Lent.az-ın xarici KİV-ə istinadən məlumatına görə, Bezos 124 milyard dollarlıq mülkünün böyük hissəsini xeyriyyəçiliyə bağışlayacağını açıqlayıb.

“CNN”ə müsahibə verən Ceff sərvətini xüsusilə qlobal iqlim dəyişikliyi ilə mübarizə aparan, sosial və siyasi parçalanmaları aradan qaldıran təşkilatlara həvalə edəcəyini bildirib.

O, edəcəyi ianələri və xeyriyyə işlərini diqqətlə araşdıracağını, həmçinin bunun üçün “metodologiya” yaradacağını da bildirib.

Bezos xeyriyyəçilik işlərinin biznesə başlamaq kimi olduğunu deyib:

“Burada problem işi düzgün etməkdir. Bu asan iş deyil. Amazon qurmaq da asan deyildi. Amma çox çalışdıq və ağıllı, çalışqan komandımızla bunu bacardıq. Xeyriyyə işlərinin də belə olacağını düşünürəm”.

Qeyd edək ki, bir müddət əvvəl Bezosu tənqid edənlər onu xeyriyyə təşkilatlarına kifayət qədər dəstək verməməkdə ittiham etmişdilər. 

# 2139
avatar

Oxşar yazılar