Dostluq haqqında MARAQLI FAKTLAR

Dostluq hər normal insanın həyatının çox vacib və ayrılmaz hissəsidir. Bu yaxınlarda Amerika alimləri dostların bizi sözün əsl mənasında istiləşdirdiklərini sübut ediblər. Müsbət və xoş duyğuların artmasına səbəb olan insanlar bizə subyektiv bir istilik hissi verirlər.

Lent.az xarici mediaya istinadla dostluq haqqında maraqlı faktları təqdim edir:

1. Mütəxəssislər dostlarla görüşməyin sağlamlığınıza faydası olduğunu söyləyirlər. Məsələ ondadır ki, tez-tez ünsiyyətdə proqesteron səviyyəsi yüksəlir və bu, psixoloji rahatlamağa kömək edir və narahatlıq səviyyəsini azaldır.

2. Beynəlxalq Dostluq Günü iyulun 30-da qeyd olunur. Rəsmi olaraq 2011-ci ildə təsdiq edilib.

3. Elmi araşdırmalar zamanı yaxın dostlarla ünsiyyətin olmamasının insan sağlamlığına zərərli olduğu ortaya çıxıb. Dostları az olanlar yalnız yuxusuzluğa deyil, xroniki yorğunluğa da həssasdırlar. Bu cür insanların depressiyadan əziyyət çəkmə ehtimalı, dostları ilə ünsiyyət əskikliyi olmayanlara nisbətən 90 faiz daha çoxdur.

4. Valideynləri çox sayda dost və tanış ilə asanlıqla ünsiyyət quran uşaqlar, valideynləri bu və ya digər səbəbdən ünsiyyəti laqeyd olan uşaqlardan daha çox yaşayırlar.

5. Qadın və kişi dostluğu arasında böyük bir fərq var. Həqiqət budur ki, kişi dostuna çox sadiqdir. Günahkar bir dostunu bağışlamaq onlar üçün bir qadının bir dostunu bağışlamasından daha asandır. Kişilərin nadir hallarda dostlarını dəyişdirmələrinin səbəbi məhz budur.

6. Maraqlı fakt: dostların bir-birləri ilə müəyyən genetik oxşarlıqları var. Bunu bir növ qohumluqla müqayisə etmək olar. Və hamısı ona görədir ki, şüuraltı səviyyədə özümüzə dost seçirik.

7. Sosial şəbəkələrin bütün istifadəçilərinin təqribən 90 faizi dostluğun yalnız canlı ünsiyyət və yalnız real görüşlər sayəsində qurulacağını iddia edirlər.

8. Alimlər ailələrindən daha çox köhnə dostlarına daha çox vaxt ayıran yaşlı insanların daha uzun yaşadıqlarını təsbit ediblər. Bu arada onu da qeyd etmək lazımdır ki, qohumlarla sıx ünsiyyətin insan ömrünün müddəti üzərində qətiyyən təsiri yoxdur.

9. Sosioloqlar Sidney şəhərinin ən səmimi insanların yaşadığı şəhər hesab edildiyini aşkarlayıblar.

10. İnsan nə qədər savadlıdırsa, ünsiyyətdə o qədər az problem yaşayır. Statistik məlumatlar məktəb xaricində heç bir təhsil almamış insanların dostları ilə ünsiyyət qurmadığını söyləyir.