Mütəxəssislərin fikrincə, insanın ömrünün uzunluğu yalnız qidalanma və vərdişlərlə deyil, həm də həyat tərzinə və psixoloji xüsusiyyətlərinə münasibətlə müəyyən olunur.
Lent.az-ın xarici mediaya istinadla xəbərinə görə, Edinburq Universitetinin tədqiqatçıları 22 mindən artıq yetkin insanı araşdıraraq müəyyən ediblər ki, bəzi şəxsi keyfiyyətlər ömür uzunluğuna birbaşa təsir göstərə bilir. Xüsusilə nizam-intizam, aktivlik və yardımsevərlik daha uzun ömürlə əlaqələndirilir, təşviş, qıcıqlanma və əsəbilik isə ömrü qısalda bilər.
Özünü necə təsvir edirsən – ömrü belə təxmin edir
Alimlər iştirakçıları standart psixoloji tiplərə görə ayırmayıb, onların özlərini necə təsvir etdikləri sözləri təhlil ediblər.
Nəticələr göstərib ki, “aktiv”, “enerjili” kimi ifadələr ömür uzunluğunu proqnozlaşdırmaqda ekstraversiya kimi klassik psixoloji kateqoriyalardan daha dəqiqdir.
Araşdırmanın ən güclü göstəricisi “aktiv” sözü olub. Bu sözü özünü təsvir edərkən istifadə edən insanların ölüm riski müşahidə dövründə 21 faiz daha az olub.
Müsbət keyfiyyətlər - daha yüksək şanslar
Uzun ömürlə həmçinin intizamlı olmaq, zəhmətkeşlik və məsuliyyət də əlaqələndirilib.
Əksinə, “təşvişli”, “kaprizli” və “tez məyus olan” xüsusiyyətlər daha erkən ölüm halları ilə üst-üstə düşüb.
Bu, taleyin hökmü deyil
Alimlər vurğulayırlar ki, nəticələr məhz taleyin dəyişməz olduğunu göstərmir. Şəxsi keyfiyyətlər vərdişlərə və davranışlara təsir edir, bu isə sağlamlığa birbaşa təsir göstərir. Məsələn, nizamlı insanlar yuxu və qidalanma rejiminə daha çox əməl edir, aktiv insanlar isə fiziki formalarını qorumaqda və stresslə mübarizədə daha uğurlu olurlar.
Gələcəkdə tibbi diaqnostikanın tərkib hissəsi ola bilər
Tədqiqatçılar hesab edir ki, gələcəkdə şəxsiyyət xüsusiyyətlərinin qiymətləndirilməsi tibbi yanaşmaların bir hissəsinə çevrilə bilər. Belə sorğular xroniki xəstəliklərin qarşısının alınması və sağlamlığın dəstəklənməsi üçün əlavə yardıma ehtiyacı olan insanları müəyyən etməyə kömək edə bilər.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
