İspaniya dağlarında sakit və kiçik Ponqa şəhərinə yeni sakinləri cəlb etmək üçün yerli hakimiyyət orqanları köçürülmə qrantı təsis edib.
Lent.az-ın məlumatına görə, bu kiçik şəhər “Picos de Europa” dağ silsiləsinin mərkəzində yerləşir.
Vəhşi təbiətin bolluğuna baxmayaraq, şəhərdə əhali azdır və yerli iqtisadiyyatla bağlı problemlər var. Ona görə də hakimiyyət bu çətinliklərin öhdəsindən gəlmək üçün qeyri-adi üsul tapıb.
Ponqaya köçən insanlar 2971 avro məbləğində pul qrantları alacaqlar. Köçdükdən sonra ailədə hər yeni doğulan uşaq üçün eyni məbləğ ödəniləcək.
"Ponqa yoldan bir qədər kənardadır, lakin onun dağlıq mənzərəsi heyrətamizdir. Bu, təbiətlə harmoniyada yaşamaq üçün mükəmməl yerdir və bölgə heyrətamiz şərablar istehsal edir", - “Seven Seas Worldwide”ın əməliyyatlar rəhbəri Vayne Mills deyib.
Jurnalistlər Ponqa xalqının çoxdankı adət-ənənələrə sadiq qaldığını qeyd ediblər. Şəhər hələ də tarixi daş evlərə və daş döşənmiş küçələrə malikdir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
