Bal süd kimi klassik mənada “xarab olmur”, lakin düzgün saxlanmadıqda onun keyfiyyəti pisləşə bilər. Balın qablaşdırma üzərində göstərilən son istifadə müddəti əsasən istehsal standartları ilə bağlıdır. Əslində isə düzgün saxlanarsa, bal onilliklər boyu yeyilə biləcək vəziyyətdə qala bilir. Bu, onun unikal kimyəvi tərkibi ilə izah olunur.
Lent.az xəbər verir ki, balın bu qədər davamlı olmasının üç əsas səbəbi var.
Aşağı su miqdarı – bakteriya və kiflərin çoxalmasını məhdudlaşdırır.
Yüksək şəkər tərkibi – təbii konservant rolunu oynayır.
Pətək və nektardan alınan fermentlər – antibakterial təsir göstərir.
Ümumilikdə balın tərkibində 181 müxtəlif maddə mövcuddur, lakin əsas hissəsini şəkər və su təşkil edir. Balın tərkibi arı növü, bitki örtüyü və hətta hava şəraitindən asılı olaraq dəyişir. Bundan əlavə, bal həm zəif turşudur, həm də bakteriyaların inkişafını əngəlləyən təbii antibakterial xüsusiyyətlərə malikdir.
Bal necə “korlana” bilər?
Bununla belə, əlverişsiz şəraitdə balın keyfiyyəti aşağı düşə bilər. Bal klassik mənada xarab olmasa da, onun dadı, qoxusu və konsistensiyası dəyişə bilər, hətta bəzi hallarda kif əmələ gələ bilər.
Balın ən böyük təhlükəsi rütubətin daxil olmasıdır. Qapağın yaxşı bağlanmaması və ya islanmış qaşığın istifadə edilməsi mayenin balı udmasına və fermentasiyaya səbəb olur. Nəticədə xoşagəlməz turş qoxu və səthdə baloncuklar əmələ gəlir.
Digər bir problem isti mühitdir. Günəş şüaları və yüksək temperatur balın fermentlərini və qida dəyərini azaldır. Həmçinin, balın içinə digər qida qalıqlarının düşməsi də dad və keyfiyyətə mənfi təsir göstərir.
Balı düzgün necə saxlamaq olar?
Balı qaranlıq və sərin yerdə, mümkün qədər 15°C-dən aşağı temperaturda saxlayın.
Balı götürərkən quru qaşıqdan istifadə edin, beləliklə qıcqırma riskini minimuma endirəcəksiniz.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
