Azərbaycan əsilli televiziya aparıcısının sirləri

Nailə Əsgərzadə, bəlkə də Rusiya televiziyalarının ən sirli aparıcısıdır. Onun ətrafında bir çox söz-söhbət və dedi-qodular söylənilir, lakin əksəriyyəti üçün sənədli və ya foto dəlillər təsdiqlənməyib.

Lent.az Rusiya mediasına istinadla xəbər verir ki, Nailə 1987-ci il dekabrın 13-də Bakıda anadan olub. Atası mühəndis-geofizik, anası doğum evində tibb bacısı işləyib.

“Tatler”ə müsahibəsində ən parlaq uşaqlıq hadisələrindən birinin müharibə olduğunu (Dağlıq Qarabağdakı qarşıdurma və 1990-cı il ynavarın 19-dan 20-nə keçən gecə sovet ordusunun bölmələrinin Bakıda qanlı qırğın törətməsi) olduğunu söyləyib.

Nailə şəhərin küçələrində tankların necə hərəkət etdiyini hələ də xatırlayır. Onun dediyinə görə, ailəsi həyatda qalmaq üçün öz ölkəsini tərk etməli olub.

Valideynlərin evliliyi bu cür qlobal zərbələrə dözə bilmədiyindən boşanıblar. Bundan sonra Nailə anası və bacısı ilə Volqoqrada köçür. Nailə orada fransız xüsusi məktəbinə girir və çox yaxşı təhsil alır. Tərcümələr, klassikləri orijinalda oxumaq, imtahandan əvvəl gecələr yuxusuz qalmaq, pepetitorların yanına getmək - bütün bu səylər gələcəkdə öz bəhrəsini verir. Əsgərzadə məktəbi qızıl medalla bitirir və Volqoqrad Dövlət Universitetinin iqtisadiyyat fakültəsinə qəbul olur və ali məktəbi də qırmızı diplomla bitirir.

Ancaq Nailənin xəyalları bir yerdə dayanmırdı və pillələri addım-addım aşırdı. Və növbəti mərhələ paytaxtın fəthi idi. Televiziya aparıcısı karyerası haqqında düşünmürdü, onu böyük bir xammal şirkəti cəlb edirdi. Orada bir vakansiya tapır, ancaq bir müddət çalışdıqdan sonra bunun onun üçün olmadığını başa düşür.

Nailənin jurnalistika yolu NTV-də, iqtisadiyyat xəbərləri şöbəsində təcrübə ilə başlayır. Burada şans qıza gülümsəyir: keçmiş müəllimin RBK telekanalının beynəlxalq bir redaktor axtardığını söyləyir.

Daha sonra Nailə “Vedomosti”də işə düzəlir və oradan reportajçı olaraq “Rusiya-24”də işləməyə gedir. Karyerasında sürətli irəliləyiş burada başlayır: Əsgərzadə xəbərlər, reportajla hazırlayır, böyük iş adamları ilə söhbət edir.

2017-ci ildə “Rusiya 1”də “Fəaliyyətdə olan şəxslər” proqramındakı aparıcılığına görə "TEFI" mükafatını (1994-cü il oktyabrın 21-də Rusiya Televiziya Vəqfi Akademiyası tərəfindən təsis edilən televiziya sənəti sahəsində ən yüksək nailiyyətlərə görə Rusiya milli televiziya mükafatı. Amerikanın “Emmi” mükafatının analoqudur) alır. .

Proqramın diqqət çəkən məqamı jurnalistin qonaqlara kəskin suallar verdiyi qeyri-adi bir mühit olur. Çəkiliş meydanında Nailə tapançadan atəş açırdı, at sürürdü, hokkey və ya futbol oynamalı idi, məşhur insanların həyatını bizim bildiyimiz kimi göstərirdi. Layihənin aparıcısının qeyd etdiyi kimi məqsədi həmsöhbətini adi iş mühitindən daha geniş göstərmək idi.

Belə görünür ki, belə bir peşə ilə 33 yaşlı aparıcı bir saniyə də dayanmamalıı idi. Bu, qismən doğrudur.

“Bir iş günü axşamını dünən olduğu kimi keçirmək fürsətini nadir hallarda əldə edirəm: gecə yarısından sonra sona çatan gözəl bir axşam yeməyində ailəm və dostları ilə. Adətən, iş başındayam, çəkiliş dalınca çəkiliş gəlir... Əlbəttə, fərqli yaşaya bilmərəm və istəmirəm, amma yenə də bəzən yavaşlaya bilməli və bu anın dadını çıxarmağı bacarmalıyıq”, - o, “Instagram”da etiraf edir.

Yeri gəlmişkən, Nailə sosial şəbəkədə tez-tez şık görüntülərini paylaşır və iş anlarından bəhs edir. Əsgərzadə pərəstişkarları ilə söhbət etməyi unutmur: yazılarının sonunda demək olar ki, həmişə abunəçilərinə suallar verir.

Nailə ictimai tədbirlərə vaxt itirməməyi üstün tutur və orada çox nadir bir qonaq olur, amma sıx qrafikində yaxşı kino və teatr üçün həmişə bir neçə saatını ayıra bilir. Nailə gimnastların uğurlarını da izləyir: uşaq vaxtı gimnastika ilə məşğul olub və bu idman növünə olan sevgisi bu günə qədər qalır.

Əsgərzadə fiziki aktivliyin nizam-intizamı qorumağa kömək etdiyini və bir qaynaq olduğunu düşünür.