“Apple”ın baş direktoru Tim Kukun maaşı 2024-cü ildə 74,6 milyon dollara çatıb.
Lent.az xəbər verir ki, “Apple”ın 2024-cü maliyyə ili üçün məyusedici nəticələrinə baxmayaraq, baş direktorun maaşı artıb.
Kuk 2024-cü ildə 74,6 milyon dollar qazanıb. Belə ki, bu rəqəm Kukun 2023-cü ildəki 63,2 milyon dollar maaşından 18 faiz çoxdur.
Qeyd edək ki, Kukun maaşının 3 milyon dolları onun əsas maaşıdır.
58,1 milyon dollar isə onun səhmlərinin gəliridir. İşinə görə mükafatlar isə 12 milyon dollar təşkil edir.
Yerdə qalan 1,5 milyon dollar isə sığorta haqları, məzuniyyət pulu, təhlükəsizlik xərcləri, hava səyahəti kimi digər gəlirlər təşkil edir.
Qeyd edək ki, “Apple” 2024-cü maliyyə ilində 295 milyard dollar gəlir əldə edib. Bu rəqəm 2023-cü maliyyə ilindən bir qədər aşağıdır. “Apple”ın xalis mənfəəti də 2023-cü ildəki 97 milyard dollardan 2024-cü ildə 93,74 milyard dollara düşüb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
