Azərbaycanda fəaliyyət göstərən türkiyəli prodüser Kamal Cenk İçtənlə azərbaycanlı model Minarə Allahverdiyeva boşanıblar. Lent.az-ın məlumatına görə, bu barədə prodüser sosial şəbəkədəki səhifəsində yazıb: “Çox dəyərli dostlarım, bu gündən sonra həyatımda yeni səhifə açacam. Sizlərə də xahişim budur ki, mənə şəxsi həyatım barədə sual verməyəsiniz. Təxminən 18 ay öncə ailə qurduğum Minarə xanımla yollarımızı ayırırıq. Mənimlə bərabər yaşadığı üçün təşəkkür edirəm. Bundan sonrakı həyatında ona uğurlar arzu edirəm”.
Qeyd edək ki, cütlük 2014-cü ilin fevralında ailə qurub.