İlhamə: “Şou-biznes mənim əlimin altından gəlib, keçir”

“Mənim onunla bir balaca savaşım olub. Aramızda kiçik anlaşılmazlıq oldu, keçdi. Amma o, yaxşı oğlandır, gözəl ailə başçısıdır. Öz sözünü deyən musiqiçidir. O, oxuyanda mən yaşayıram”.

Lent.az-ın məlumatına görə, bu sözləri “ATV”-nin “10-lar” verilişində xalq artisti İlhamə Quliyeva Nadir Qafarzadənin ünvanına söyləyib. İ. Quliyevanın bu sözləri onların küsülülüyə son qoyub.

Sonra Nadir Qafarzadə həmin verilişdə titullardan söz açıb: “İlhamə xanım yəqin ki, icazə verər ki, mən şah olum?”

İ. Quliyeva isə onun bu sözlərinə: “ Şah oturub orda (Vasif Məhərrəmlini nəzərdə tutur- red). O titulu ona vermişəm. Sənə isə Nadir şah titulu vermişəm. Mən şou-biznes nümayəndəsi deyiləm, sənətkaram. Kimə titul verirəmsə, o ad ona yaraşır. Şou-biznes hamısı mənim əlimdən gəlib keçir. Sığalı mən çəkirəm. Ürəyimdən nə keçir deyirəm. Nadir də bizim “Nadir Şah”ımızdır. Bu titulu mən verdim ona”.