Culiya Roberts bacısının ölümündə ittiham olunur

Fevralın 9-da Los- Ancelosda Hollivudun tanınmış aktrisası Culiya Robertsin bacılığı, ögey bacısı 37 yaşlı Nensi Moutsun cəsədi aşkarlanıb.

Lent.az-ın «nyusru»-ya istinadən məlumatına görə, «Nyu York Tayms» qəzeti yazıb ki, o, ölməzdən bir neçə həftə öncə çıxılmaz vəziyyət düşdüyü ilə bağlı 5 səhifəlik məktub yazıb. Həmin məktubda o, ailəsinin onu atmasından yazıb, Oskar mükafatçısı olan bacısı Culiya Robertslə bağlı dözülməz həyatını təsvir edib.

Yazının 3 səhifəsi Juliyadan bəhs edib. Nensi bacılığının onu intihara vadar etməsini vurğulayıb. Məktubun bir səhifəsini çox sevdiyi mərhum anasına həsr edib. Sonuncu səhifədə isə sevgilisi Con Dilbekdən yazıb. Ona verəcəyi əzaba görə Dilbekdən üzr istəyib.

Qəzet bildirib ki, onun cəsədini aşkarlayan Dilbek olub.

Nensi Mouts Culiya Robertsin anası Betti Lounun qızıdır. Bacılar arasında münaqişə ötən il başlayıb. Həmin vaxt Nensi müsahibəsində bacısının xəstə anasına baş çəkməsinə imkan vermədiyini söyləyibmiş.

Ölümünə bir neçə gün qalmış o, «tvitter» səhifəsində belə bir mətn yazıb: «Bacım deyir ki, onun o qədər dostu, sevənləri var, o artıq kiminsə sevgisinə ehtiyac duymur. Kaş siz onun «Amerikanın sevimli» (söhbət «Amerikanın sevimlisi» komediyasından gedir, həmin filmdə Culiya baş rolda oynayıb-red.) qancığı olduğunu biləydiniz.

Belə qəddar adamın fanatı olmaq istərdiniz? O, özü üçün aktrisadır».

Mənbə bildirib ki, Nensi artıq çəkidən əziyyət çəkib və ona qarşı mübarizə aparıb.

«Mən məktəbdə oxuyanda o artıq böyük qız idi. Kök olduğumu həmişə mənə xatırladırdı. Bu isə mənə çox əziyyət verir və məyus edirdi» - deyə, Nensi ölümündən öncə yazıb.

Ölümündən bir müddət öncə Nensi Mouts mədəsinin ölçüsünü kiçiltmək üçün cərrahiyyə əməliyyatı olub. Bununla o, bacısı ilə münasibətini yaxşılaşdırmağa ümid edirmiş.

Bacısının ölümü ilə əlaqədar Cüliya Roberts bütün tədbirləri təxirə salıb. Hətta baş vermiş itki ilə bağlı bildirib ki, ailəsi faciəli ölümdən dərin üzüntü keçirir.