Xalq artistindən məktəbdəki davaya REAKSİYA:  "Güclünün "adamı" var deyə..."
05 oktyabr 2022 11:30 (UTC +04:00)

Xalq artistindən məktəbdəki davaya REAKSİYA: "Güclünün "adamı" var deyə..."

Xalq artisti Brilliant Dadaşova sosial şəbəkə paylaşımı ilə diqqət çəkib.

Lent.az xəbər verir ki, o, "Instagram" hesabında şagirdin məktəbdə sinif yoldaşını döyməsi ilə bağlı qalmaqallı məsələyə münasibət bildirib.

İfaçı paylaşımında bu sözləri yazıb:

"Vicdansızlıq etməyin, şeytana qoşulub Allahın əleyhinə getməyin! Güclünün "adamı" var deyə, fağırı incitməyin!

Ay "iki uşaq vuruşub" deyənlər, guya bilmirsiniz ki, vuruşarkən iki tərəfin vurması şərtdir? Guya bilmirsiniz ki, tək tərəf zərbə endirirsə, bu, cinayətdir?

Təbiətin qarşısında biz qarışqayıq, heç olmazsa, öz vicdanınız qarşısında qarışqa olmayın. Haqqı nahaqqa möhtac qoymayın".

Qeyd edək ki, şagirdlərin davası ilə bağlı məsələni  sosial şəbəkələrdə az sayda məşhur simalar reaksiya verib.

Xatırladaq ki, sentyabrın 30-da baş verən hadisədən sonra həmin şagirdlərdən  və valideynlərindən izahat alınıb, daha sonra məsələ ilə bağlı icraat başlanaraq baxılması üçün aidiyyəti üzrə Sabunçu rayon İcra Hakimiyyəti yanında Yetkinlik yaşına çatmayanların işləri və hüquqlarının müdafiəsi üzrə komissiyasına göndərilib.

# 3669
avatar

Nigar Namiq

Oxşar yazılar