Röya Aygün Bəyləri məhkəməyə verməsindən danışdı

Xalq artisti Röya Ayxan həmkarı Aygün Bəyləri məhkəməyə verməsindən danışıb.

Lent.az-ın xəbərinə görə, qatıldığı şou-proqramlardan birində Aygün Bəylərlə aralarında yaranmış gərginliyin səbəbindən danışan Röya bildirib ki, bu ilk deyil:

“İllər öncə Aygün Bəylər efirə çıxıb danışdı ki, mən onu hansısa məclisdə görüb salam verməmişəm, böyük-kiçik saymamışam. Ortaq bir dostumuz var idi onun evində görüşdük. Görüşü də mən təşkil etmişdim. Aygün xanıma dedim ki, nədir bu gərginliyin səbəbi? Əgər səhv etmişəmsə min dəfə üzr istəyirəm. Görməmişəm, salam verməmişəm. Orda olan yaşca böyük sənətkarlar da dedilər sağ ol. Üstündən bir həftə keçməmiş Aygün Bəylər çıxıb Elgiz Əkbərin efirində haqqımda təhqiramiz sözlər işlətdi. O zaman məhkəməyə verdik. Verdim amma yadımdan çıxdı. Adamın mənim kimi düşməni ola. Vəkilim də özümə oxşayıb. O da unutdu. İndi mənə zəng vurublar ki, sizin məhkəməniz var, mat qalmışam ki nə məhkəmə? Dedim, əşi, cırın atın o ərizəni. Kin saxlamıram, unuduruam”.