Özünü ölülüyə vurub HƏMAS-dan qurtuldu, İsraili "Eurovision"da təmsil edəcək

HƏMAS-ın hücumundan sağ çıxan Yuval Rafael builki “Eurovision” Mahnı Müsabiqəsində İsraili təmsil edəcək.

Lent.az xarici mediaya istinadla bildirir ki, 24 yaşlı Rafael "Hakohav Haba" realiti müsabiqəsində münsiflərdən və ictimaiyyətdən ən çox səs toplayaraq qalib olub. Beləliklə o, may ayında İsveçrənin Bazel şəhərində keçiriləcək mahnı müsabiqəsində yarışacaq.

Onun mahnısı gələn ay Kanadanın ictimai yayımçısı tərəfindən çağırılan panel tərəfindən seçiləcək.

Həvəskar müğənni 7 oktyabr 2023-cü ildə Nova festivalında dostları ilə birlikdə olarkən HƏMAS terrorçularının hücumuna məruz qalıb. O, yol kənarındakı bomba sığınacağında cəsədlərin altında gizlənərək sağ qalıb.

Rafael daha əvvəl deyib ki, oktyabrın 7-də cəsədlərin altında gizlənərkən terrorçu qruplar bir-birinin ardınca oraya gələrək, hamının öldüyünə əmin olmaq üçün sığınacağın içərisinə atəş açıblar. O, 8 saat sonra İsrail əsgərləri tərəfindən xilas edilib.

Sığınacaqda olan 40-dan çox insandan yalnız 11-i sağ qalıb, Rafael bildirib ki, onun başında və ayağında qəlpələr hələ də qalıb.