APA TV-də canlı yayımlanan “Söz arasında” verilişində gözlənilməz hadisə baş verib.
Lent.az xəbər verir ki, proqramın qonaqlarından biri olan aşıq Mübariz müzakirələr zamanı studiyanı tərk edib.
Mövzusu “Biabırçılığı məşhurluğa çevirənlər” olan verilişdə söhbət zamanı bəstəkar Arif Səlimov belə bir fikir səsləndirib:
“Mən Mübarizə desəm ki, gəl gündəm üçün bir-birimizi qıraq, utanaram özümdən”.
Bu ifadədən sonra aşıq Mübariz narahatlığını bildirib və “bu söhbətlər mənim xoşuma gəlmədi” deyərək efiri yarımçıq tərk edib.